ამბროლაური

1. საქართველოს კუთხეები
2. რაჭა
3. ამბროლაური

ამბროლაური საქართველოს ერთ-ერთი მაღალმთიანი ქალაქია, რომელიც უნიკალური ბუნებითა და გასაოცარი ისტორიული ძეგლებით გამოირჩევა. რაჭის ცენტრის ულამაზესი ფლორა, უძველესი არქიტექტურული ნიმუშები და კულტურა უამრავი ვიზიტორის ყურადღებას იქცევს.

ამბროლაურის ღირსშესანიშნაობები

ამბროლაურის მრავალფეროვნება აერთიანებს რამდენიმე არქიტექტურულ და ბუნების ძეგლებს. შესაბამისად, გიყვართ პასიური დასვენება, ისტორიაში მოგზაურობა თუ ლაშქრობა, ამბროლაური თქვენთვის საინტერესო ადგილია. მეტი ინფორმაცია ღირსშესანიშნაობებზე იხილეთ ქვემოთ:

სასტუმროები ამბროლაურში

ამბროლაური ტურისტულად აქტიური ადგილია და შესაბამისად, აქ რამდენიმე სასტუმროა ხელმისაწვდომი. მათი დიდი ნაწილი მცირე ზომის, საოჯახო ტიპის სასტუმროებია. ვიზიტორებში განსაკუთრებული პოპულარობით კი შემდეგი სასტუმროები სარგებლობს:

Wine Space

Wine Space -ტრადიციული ხის სასტუმროა, ინდივიდუალური გამჭვირვალე კოტეჯებით და გასაოცარი ხედებით, რომელიც უფრო სასიამოვნოს გახდის თქვენს დასვენებას ამბროლაურში. თითოეული კოტეჯი განკუთვნილია 2 ადამიანისთვის და უზრუნველყოფილია უმაღლესი კომფორტით.

View Racha

ეს არის საოჯახო ტიპის სასტუმრო, სადაც დაგხვდებათ მშვიდი და თბილი გარემო. მინიმალისტური ინტერიერი, კომფორტული ნომრები და გასაოცარი ბაღი, ულამაზესი ხედებით ის მიზეზებია, რის გამოც View Racha ვიზიტორებისთვის, ერთ-ერთი საყვარელი სასტუმროა.

Belvedere

თუ Belvedere-ში დასვენებას გადაწყვეტთ, მაშინ ნამდვილად ისიამოვნებთ რაჭული სტუმართმოყვარეობითა და კულტურით. ხის დიზაინი, დახვეწილი და მშვიდი გარემო, ულამაზესი ხედები ამბროლაურის მწვანე მთებზე, თქვენს ვიზიტს კიდევ უფრო სასიამოვნოს გახდის.

Glamping Georgia

ამბროლაურში მდებარე ეს სასტუმრო კოტეჯების კომპლექსს წარმოადგენს. ცილინდრული ფორმის მრგვალი კოტეჯებიდან გასაოცარი ხედები იშლება ამბროლაურის ტყეზე. თითოეული კოტეჯი უზრუნველყოფილია საჭირო ინვენტარით და გათვლილია ორ ადამიანზე. თუ სიჩუმე და ხედები გიზიდავთ, ეს სასტუმრო იდეალური არჩევანია თქვენთვის.

Sadmeli Winery

Sadmeli Winery იდეალური ადგილია იმისთვის, რომ გაეცნოთ რაჭის ღვინის კულტურას. ეს არის ამბროლაურში მდებარე კლასიკური ელემენტებით აშენებული სასტუმრო და მარანი, სადაც შეგიძლიათ დააგემოვნოთ უგემრიელესი ქართული სამზარეულო და ისიამოვნოთ რაჭული ღვინით, პირდაპირ სასტუმროს მარნიდან.

რესტორნები ამბროლაურში

ამბროლაურში რესტორნების არც ისე დიდი არჩევანია. აქ უფრო მეტად მოთხოვნადი და პოპულარული ტრადიციული ტიპის რესტორნებია, სადაც შეძლებთ უგემრიელესი ქართული სამზარეულოსა და ტრადიციული ღვინის დაგემოვნებას.

მათგან განსაკუთრებული პოპულარობით სარგებლობს რესტორანი “ღარისწყალი” და “ტავერნა კრიხულა.” რესტორნებში მშვიდი გარემო და მეგობრული პერსონალი დაგხვდებათ. ამბროლაურში ასევე დიდი პოპულარობით სარგებლობს მცირე ზომის საცხობები და კაფე “Le Art Cafe.” 

ხშირად დასმული კითხვები