ქუთაისი

1. საქართველოს კუთხეები
2. იმერეთი
3. ქუთაისი

ქუთაისი ერთ-ერთი უძველესი ქალაქია მსოფლიოში. მის ისტორიულ წარსულს კოლხეთის სამეფომდე და არგონავტთა ლეგენდამდე მივყავართ.
დასავლეთ საქართველოს ეს უმშვენიერესი ქალაქი თვალწარმტაცი ბუნების ძეგლებითაა ცნობილი, მათ შორის პრომეთეს მღვიმე და ოკაცეს კანიონი. ქუთაისის კულტურული და ისტორიული ღირსშესანიშნაობებიდან გამორჩეულია ბაგრატისა და გელათის სამონასტრო კომპლექსები, რომლებიც იუნესკოს მსოფლიო მემკვიდრეობის ნუსხაშია შესული.

ქუთაისის ღირსშესანიშნაობები

ქუთაისის მრავალსაუკუნოვანი ისტორია ქალაქის ღირსშესანიშნაობების საოცარ მრავალფეროვნებასა და სიუხვეს განაპირობებს. სათაფლიის, პრომეთესა და ნავენახევის მილიონ წლიანი მღვიმეები, ბაგრატის, გელათისა და მოწამეთას საუკუნოვანი ტაძრები, უიშვიათესი წარმოშობის ტბები და კანიონები მნახველს აღაფრთოვანებს.

სასტუმროები ქუთაისში

ქუთაისი ქართული სტუმარ-მასპინძლობის საუკეთესო ტრადიციების დამცველია. ქალაქში 4 და 5 ვარსკვლავიანი სასტუმროების გვერდით შედარებით დაბალბიუჯეტიან საოჯახო ტიპის სასტუმროებსაც აღმოაჩენთ. კომფორტული ნომრებისა და კეთილგანწყობილი მასპინძლების გარდა, აქ უგემრიელესი ქართული სამზარეულოსა და ქართული ღვინის მრავალსაუკუნოვან კულტურას გაზიარებენ.

Grand Opera Hotel

სასტუმრო გრანდ ოპერა ქალაქის ცენტრში კომფორტული ნომრებითა და უგემრიელესი სამზარეულოთი გიმასპინძლებთ. რესტორნის ტერასიდან ქუთაისის ულამაზესი ხედები იშლება. მიწის ქვეშ მოწყობილია ღვინის მარანი და ღია ღუმელი.  

Sanapiro Hotel

სასტუმრო სანაპიროში მყუდრო გარემო და სტუმართმოყვარე მასპინძლები დაგხვდებიან. სასტუმროს ნომრებიდან მდინარე რიონზე იშლება ხედები. სასტუმროს აქვს გარე ტერასა, სადაც საღამოობით მდინარის პირას ვახშმობაც შეგიძლიათ. 

Kutaisi Inn

5 ვარსკვლავიანი სასტუმრო ქუთაისი ინნი ქალაქის კოლორიტულ ადგილას, ბალახვანში მდებარეობს. სასტუმროს გამწვანებული ეზო შესანიშნავი ადგილია, როგორც ქალაქის ხმაურისგან განსაცალკევებლად და დასასვენებლად, ასევე თანამედროვე ქართული და ევროპული კერძების დასაგემოვნებლად.

Newport Hotel Kutaisi

სასტუმრო ნიუპორტი ქალაქის ცენტრში მდებარე დახვეწილი დიზაინის მქონე სასტუმროა. სასტუმროს შენობა XIX საუკუნის ბოლოს აშენდა და კულტურული მემკვიდრეობის ძეგლის სტატუსი აქვს. ტერასიდან ქალაქისა და ბაგრატის ტაძრის უმშვენიერესი ხედი იშლება. 

Hotel Eurica

სასტუმრო ევრიკა ვიზიტორებს სუფთა და კომფორტული ნომრების გარდა, სხვადასხვა ტიპის ტურებს სთავაზობს, მათ შორის ღვინის, რაფტინგ, სათევზაო და საფრენ ტურებს. 

Hotel 1887

სასტუმრო 1887 მყუდრო და მოწესრიგებულ ნომრებში გიმასპინძლებთ. სასტუმროს გამწვანებული ეზო, ხილის ბაღი და ვაზის ხეივანი აქვს. აქვე შეგიძლიათ დააგემოვნოთ სახელგანთქმული იმერული ციცქა და ცოლიკაური. 

Best Western Kutaisi

Best Western Kutaisi ქალაქის ისტორიულ ცენტრში საერთაშორისო დონის მომსახურებით ქმნის სტუმარ-მასპინძლობისა და ადგილობრივი გასტრონომიის საუკეთესო გამოცდილებას. კომფორტული მდებარეობა, გამორჩეული სამზარეულო და მშვიდი ატმოსფერო სასტუმროს სავიზიტო ბარათია.

Solomon

სასტუმრო სოლომონი სტუმართმოყვარე და ყურადღებიანი პერსონალით გამოირჩევა. სასტუმროს იდეალური ლოკაცია, დიდი და ნათელი ოთახები, დახვეწილი ინტერიერი და უგემრიელესი ქართული კერძები გულგრილს არავის დატოვებს. 

რესტორნები ქუთაისში

ქართული ღვინოებისა და კერძების დასაგემოვნებლად ქუთაისში “თომას მარანს”, “ღვინის ბარ საწნახელს” და “სახლში” ესტუმრეთ. კოლხური და ქართული ელემენტებით შექმნილი ინტერიერი საუკეთესოდ ერწყმის აქაური სამზარეულოს თემატიკას. 

“ჰოეგარდენში” საყვარელი საფეხბურთო გუნდის საგულშემატკივროდ, ლუდისა და ლუდის დაფებისთვის უნდა შეიაროთ. 

რესტორანი “პალატი” და “ლილესთან” დახვეწილი ქართული და ევროპული კერძებითა და დესერტებით გაგიმასპინძლდებათ. აქვე შეგიძლიათ მოიწყოთ გემრიელი საუზმე და ფინჯანი ყავით დღისთვისთვის საჭირო ენერგიით აივსოთ. 

ხშირად დასმული კითხვები