ყვარელი
ყვარელი ვრცელი ველების, ბუმბერაზი მთებისა და სარკისებური ტბების მხარეა. ბუნებასთან სიახლოვე და კომფორტი საუკეთესოდ ერთიანდება ყვარლის სასტუმროებში.
უძველესი ღვინის კულტურისა და ქართული ტრადიციული სამზარეულოს შერწყმა აქ იდეალურად გამოსდით.
ყვარელის შესახებ
ყვარელი კახეთის რეგიონის ჩრდილო-აღმოსავლეთით მდებარეობს. მუნიციპალიტეტი ლამაზი ბუნებითა და კულტურულ-ისტორიული ძეგლების სიმრავლით გამოირჩევა. აქ ერთმანეთს ენაცვლება ალაზნის დაბლობები და კავკასიონის მთიანეთი, მათ შორის ჩაწოლილი ტბები და დაქსელილი მდინარეები.
ყვარლის ღირსშესანიშნაობები
ყვარლის ღირსშესანიშნაობები ულამაზეს ტბებს, გარშემორტყმულ ტყეებს, მათში ჩამალულ უძველეს მონასტრებსა და კახეთის მზის ქვეშ გაშენებულ ვენახებს მოიცავს. საუკეთესო ტურისტული ლოკაციებია ილიასა და ყვარლის ტბები, გრემისა და ნეკრესის მონასტრები, ჭავჭავაძისა და მარჯანიშვილის სახლ-მუზეუმები და სხვა.
-
ილიას ტბა
ილიას ტბა ყვარლის რაიონში მდებარეობს. ტბის გარშემო მოწყობილია პარკი, ველობილიკი და დასასვენებელი სივრცეები. შემაღლებულ ბორცვზე აშენებულია სასტუმრო, რომელიც ტბასა და მის გარშემო გაშენებულ ტყეს გადაჰყურებს.
-
ყვარელის ტბა (ჩალის წყალსაცავი)
ყვარლის ტბა ხელოვნურად შექმნილი ბუნების ძეგლია. აქაურობა კახეთის მნიშვნელოვანი სარეკრეაციო ზონაა. ტბასთან მისასვლელი გზა მოასფალტებულია. მას გარშემო ულამაზესი ბუნება აკრავს, ტყეები და მთები. ტბის სამხრეთით ყორიანის ქედზე მდებარეობს რესტორანი და დასავენებელი სივრცე.
-
ყვარლის გვირაბი – მეღვინეობა ხარება
ყვარლის ღვინის გვირაბი კავკასიონის კლდის მასივშია გამოკვეთილი. გვირაბის საერთო სიგრძე 7.7 კმ-ია. გვირაბის ტემპერატურა 12-16°C -მდე მერყეობს, რაც იდეალურ პირობას ქმნის ღვინის შენახვისა და დაძველებისთვის. აქ შეგიძლიათ დაათვალიეროთ ბოთლირებული ღვინის საცავი, სადაც „მეღვინეობა ხარებას“ 26 000-მდე ბოთლი საუკეთესო ხარისხის ღვინო ინახება.
-
ყვარლის ციხე-გალავანი
XVII საუკუნის ციხე-გალავანი ყვარლის ცენტრში მდებარეობს. გალავანს თავდაცვითი დანიშნულება ჰქონდა, ამიტომ გამოყოფილი აქვს იარუსები, რათა მისი კელდების გასწვრივ გადაადგილება ყოფილიყო შესაძლებელი. ასევე დაყოლებულია სათოფურები.
-
დოლოჭოპის ბაზილიკა
დოლოჭოპის ბაზილიკა ყვარელში, მდინარე დურუჯის მარჯვენა სანაპიროზე მდებარეობს. 35.7 მ სიგრძის და 18 მ სიგანის, მართკუთხა გეგმის ბაზილიკური ტიპის ტაძარი აღმოსავლეთ საქართველოში დღემდე აღმოჩენილ ბაზილიკათაგან უდიდესია.
-
ილია ჭავჭავაძის მუზეუმი
ილია ჭავჭავაძის სახლ-მუზეუმი ყვარელში, ქალაქის ცენტრში, რუსთაველის ქუჩაზე მდებარეობს. სამუზეუმო კომპლექსი მოიცავს საგვარეულო კოშკს, საცხოვრებელ სახლს და საგამოფენო დარბაზს. მუზეუმში დაცულია: ილიასა და მისი ოჯახის წევრთა ნივთები, ილიას ხელნაწერები,, XVIII-XIX სს. იარაღი, ილიას ნაწარმოებების თემებზე შექმნილი ფერწერული ნამუშევრები, ფოტომასალა და სხვა.
-
კოტე მარჯანიშვილის სახლ-მუზეუმი
კოტე მარჯანიშვილის სახლ-მუზეუმი მდებარეობს ყვარლის ცენტრში, კოტე მარჯანიშვილის ქუჩაზე. მუზეუმში დაცულია რეჟისორის მემორიალური ნივთები, მისი ფილმისა (“ამოკი”) და სპექტაკლების აუდიო და ვიდეო ჩანაწერები, ქართული თეატრისა და კინოს გამოჩენილი მოღვაწეების მიმოწერა და ფოტოები, XX ს-ის დასაწყისის ანტიკვარული ავეჯი, ჭურჭელი და სხვა.
სასტუმროები ყვარელში
ყვარელში მდებარე სასტუმროების უპირატესობა მათი მდებარეობა და ბუნებასთან სიახლოვეა. აქ დასვენების გარდა, ტბებისა და მთების საოცარი ხედებით დატკბებით. ადგილზე დააგემოვნებთ კახურ ტრადიციულ კერძებს ქართული ღვინოების თანხლებით, დაესწრებით კულინარიულ მასტერკლასებს და სურვილის შემთხვევაში რთველშიც მიიღებთ მონაწილეობას.
სასტუმრო “ყვარლის ტბა”
სასტუმრო ყვარლის ტბა მთებითა და ტყეებით გარშემორტყმული კომპლექსია. სასტუმროს ტერასებიდან და ნომრებიდან ალაზნის ველის, ტბისა და ტყის პანორამული ხედებით დატკბებით. ისეირნებთ ველოსიპედით სპეციალურად მოწყობილ ბილიკებზე. აქვეა წყლის ველოსიპედები და თხილამურები.
შატო ყვარელი
შატო ყვარელი ქალაქის ცენტრში, ისტორიული გალავნის გვერდით მდებარეობს. სასტუმროში ქართული და ევროპული ინტერიერი, კერძები და ატმოსფერო იდეალურად ერწყმის ერთმანეთს. შატოს საკუთარი ღვინის მარანი აქვს, სადაც უიშვიათესი და უნიკალური ჯიშის ღვინოს, ქინძმარაულს დააგემოვნებთ.
როიალ ბატონი
როიალ ბატონი ყვარელში, ილიას ტბის პირას, ყვარლის მთებსა და მდინარე დურუჯს შორის მდებარეობს. სასტუმრო ტრადიციული არქიტექტურისა და თანამედროვე კომფორტის საუკეთესო შერწყმაა.
სტუმრებს შეუძლიათ ითევზაონ, ისეირნონ ველოსიპედებით, ისარგებლონ ილიას ტბაზე არსებული ჩოგბურთის, ფრენბურთის, ფეხბურთისა და კალათბურთის მოედნებით,
Nekresi Estate
Nekresi Estate აღმოსავლური დიზაინის მოტივებით შთაგონებული სასტუმროა ყვარელში. მყუდრო და ნათელი ნომრები ხედით ბაღზე, შიდა და გარე დასასვენებელი სივრცეები, უგემრიელესი სამზარეულო – აქ ყველაფერია მშვიდი და დაუვიწყარი დასვენებისთვის.
რესტორნები ყვარელში
ყვარელში სტუმრობა წარმოუდგენელია აქაური უნიკალური ღვინოებისა და ტრადიციული ქართული სამზარეულოს დაგემოვნების გარეშე. საუკეთესო კერძებითა და ღვინით განსაკუთრებულ გარემოში გიმასპინძლებთ მეღვინეობა ხარება.
რესტორან კუდიგორაში ილიას ტბისა და ალაზნის ველების ფონზე გაგიმასპინძლდებიან.
ხშირად დასმული კითხვები
როგორ მივიდეთ ყვარელში?
თბილისიდან ყვარელი 144 კმ-ით არის დაშორებული. მანქანით ყვარელში ჩასასვლელად 1.5 – 2 საათი დაგჭირდებათ.
თუკი გამგზავრებას საზოგადოებრივი ტრანსპორტით გეგმავთ, იხილეთ გამგზავრების შესახებ ინფორმაცია:
თბილისის ცენტრალური ავტოსადგურიდან (ორთაჭალიდან) ყვარლის მმართულებით გამავალი ტრანსპორტი:
| მიმართულება | გასვლის დრო | ფასი |
| ყვარელი | 8:00 8:45 9:45 13:00 14:00 15:00 16:00 17:00 17:50 18:00 | 8₾ |
როდის არის საუკეთესო დრო წასასვლელად?
ყვარლის ბუნება წლის ნებისმიერ სეზონზე თავისებურად ლამაზია. გაზაფხულობით და ზაფხულში ხასხასა ტყეები და ყვავილები დაგხვდებათ. ზამთარში დათოვლილი კავკასიონი. თუკი ფერების სიუხვე გსურთ, ყვარელს შემოდგომით ესტუმრეთ. ამ დროს აქ რთველში მონაწილეობაც შეგიძლიათ.