ჯუთა
ჯუთა ყაზბეგის ერთ–ერთი უნიკალური სოფელია, რომელიც ულამაზესი ბუნებით გამოირჩევა. აქ შეხვდებით ალპური ზონისთვის დამახასიათებელ მცენარეებსა და თოვლიან კავკასიონის ქედს. ჯუთა არა მარტო უცხოელი, არამედ ქართველი მოლაშქრეების ერთ–ერთი საყვარელი ადგილია, სადაც ულამაზეს ხედებთან ერთად, გასაოცარი ჩანჩქერებითა და ჭაუხებით შეგიძლიათ ისიამოვნოთ.
ჯუთას შესახებ
სოფელი ჯუთა მცხეთა–მთიანეთის ისტორიულ მხარეში, ყაზბეგის მუნიციპალიტეტში მდებარეობს. ის ერთ–ერთი ყველაზე მაღალმთიანი სოფელია, სადაც სახლები ხევის კავკასიონის მთავარი ქედის კალთაზეა განლაგებული. გასაოცარი რელიეფის მქონე ეს პატარა სოფელი, ზღვის დონიდან 2200 მეტრზე მდებარეობს.
ჯუთას ღირსშესანიშნაობები
ჯუთა გასაოცარი ადგილია მათთვის, ვისაც სურს გაეცნოს ხევის წეს–ჩვეულებებს და ამასთან, ისიამოვნოს კავკასიონის ქედისთვის დამახიასთებელი უნიკალური ბუნებით. აქ შეხვდებით ენდემური სახეობის მცენარეებს და გასაოცარ ბუნების ძეგლებს, რომელიც თავს სრულიად სხვა სამყაროში გაგრძნობინებთ. ჯუთაში ტურისტებისთვის განსაკუთრებულად პოპულარული ღირშესანიშნაობები კი, იხილეთ ქვემოთ:
-
ჭაუხის უღელტეხილი
ჭაუხის უღელტეხილი ჯუთასთან მდებარე, საქართველოს ერთ-ერთი უმაღლესი უღელტეხილია, რომლის სიმაღლე 3338 მეტრია. ჭაუხის უღელტეხილი რამდენიმე მდინარეს აერთიანებს, მათ შორის ჯუთისწყალს და აბდელაურის ხეობებს. უღელტეხილი უნიკალური ბუნებით გამოირჩევა. აქ ერთდროულად შეგიძლიათ იხილოთ ალპური მცენარეებით დაფარული მწვანე მთები და კავკასიონის მყინვარები.
-
აბუდელაურის ტბები
აბდელაურის ტბები ჯუთაში მდებარე უნიკალური ბუნების ძეგლია, რომელიც მყინვარული წარმოშობისაა. ტბა, კავკასიონის სამხრეთ კალთაზე მდებარეობს და მოქცეულია, თოვლიან მყინვარებს შორის. ის სწორედ ამ მყინვარებზე არსებული თოვლითა და წვიმის წყლით საზრდოობს. ამავე მიზეზის გამო, ტბებში თევზები არ ბინადრობენ. მდებარეობის გამო, აბუდელაურის ტბები ზამთარში ყინულითაა დაფარული. ეს ტბები ასევე ლურჯი და მწვანე ტბის სახელითაა ცნობილი. მათ წყლის სისუფთავის ფონზე სარკისებული ეფექტი აქვთ, რაც ტბებს კიდევ უფრო გასაოცარ სილამაზეს სძენს.
ნახვა -
ჯუთას ჩანჩქერი
ჯუთას ჩანჩქერი 10 მეტრის სიმაღლისაა და ყოველწლიურად ასობით ტურისტს იზიდავს. მისი გამორჩეულობა რამდენიმე საფეხურიან ნაკადებშია, რომელიც მთის რელიეფიდანაა გამომდინარე. ჯუთას ჩანჩქერი ჭაუხებთან ახლოს მდებარეობს. ის ასევე ახლოსაა თინას, იგივე ჯუთას ტბასთან. ჩანჩქერის წყლის სისწრაფე საკმაოდ მაღალია, რელიეფურად კი ვიწროა. შესაბამისად, ჩანჩქერს არ გააჩნია საცურაო ადგილი.
-
ჯუთას ტბა
ჯუთას ტბას ასევე თინას ტბასაც უწოდებენ. ეს არის ზღვის დონიდან 2300 მეტრზე მდებარე პატარა და ულამაზესი ტბა, რომელიც ჭაუხების ძირში მდებარეობს. აბუდელაურის ტბების მსგავსად, ჯუთას ტბაც მყინვარების თოვლისაგან და წვიმისაგან საზრდოობს. ტბა გაშლილ რელიეფზეა, რაც ტურისტებს ტბასთან ახლოს დაბანაკების საშუალებას აძლევს.
-
ჭაუხები
ჭაუხები ჯუთას განსაკუთრებული ბუნების ძეგლია, რომელიც მოიცავს ჭაუხის უღელტეხილს, მასთან მდებარე ტბებსა და ჭაუხის მთას, რომლის სიმაღლეც 3688 მეტრია. მთისგან სათავეს მდინარე ბაკურხევი იღებს და გამოირჩევა უნიკალური კლდოვანი ფორმებით, რომელიც მუდმივად თოვლითაა დაფარული. ჭაუხები რამდენიმე მთას მოიცავს. მათ შორისაა ჩრდილოეთის, აღმოსავლეთის და დასავლეთის ჭაუხები.
-
ყაზბეგის მთა
მყინვარწვერი იგივე ყაზბეგის მთა, ერთ–ერთი მთავარი ღირსშესანიშნაობაა, რომელიც უნიკალური კლდოვანი ფორმებით გამოირჩევა. ის მძინარე ვულკანს წარმოადგენს და მისი სრული სიმაღლე 5054. ყაზბეგის მთას კონუსური ფორმა აქვს და მუდმივად თოვლითაა დაფარული. მყინვარწვერი ალპინისტებისთვის ერთ–ერთი გამორჩეული ადგილია.
სასტუმროები ჯუთაში
მიუხედავად იმისა, რომ ჯუთა ტურისტულად აქტიური ადგილია, აქ სასტუმროების საკმაოდ მცირე არჩევანია. მოსასვენებლად ტურისტები მეტ წილად საოჯახო ტიპის სასტუმროებს ირჩევენ ან მოსახერხებელ ადგილას საკუთარი კარვებით ბანაკდებიან. ჯუთაში ყველაზე ცნობილი სასტუმროების შესახებ კი, დეტალები იხილეთ ქვემოთ:
Fifth Season
Fifth Season ჭაუხებთან მდებარე ცნობილი მცირე ზომის სასტუმროა, რომელიც თქვენს მოგზაურობას ჯუთაში კიდევ უფრო მყუდროსა და სასიამოვნოს გახდის. აქ დაგხვდებათ ხის ულამაზესი ინტერიერი, ქართული ელემენტებით შთაგონებული დეკორი, კემპინგისთვის საჭირო სივრცეები და გასაოცარი ხედები ჭაუხებზე.
Zeta Camping
Zeta Camping ჯუთაში მდებარე ერთ–ერთი გამორჩეული სასტუმროა, რომელიც ფერად და ალპურ თავგადასავალს გთავაზობთ. ხის ულამაზესი კოტეჯი ჭიუხის მთასთან ახლოს მდებარეობს და გამოირჩევა ფერადი ინტერიერით. სასტუმრო ასევე გთვაზობთ ინდივიდუალურ, უმაღლესი ხარისხის იზოლირებულ კარვებს, საიდანაც გასაოცარი ხედი იშლება კავკასიონის მთებსა და ჯუთას მდელოებზე. სასტუმროს ასევე აქვს მოსასვენებელი ეზო, ფერადი დეკორაციებით და მყუდრო, კემპინგისთვის დამახასიათებელი სივრცეებით.
JutaHouse
JutaHouse ერთ–ერთი ყველაზე ცნობილი სასტუმროა, რომელიც დახვეწილ და კლასიკურ გარემოსთან ერთად, მოსასვენებელ და გამაჯანსაღებელ სივრცეებსაც მოიცავს. ულამაზესი არქიტექტურა,მშვიდი გარემო, საცურაო აუზი და საუნა თქვენს მოგზაურობას კიდევ უფრო სასიამოვნოს გახდის.
რესტორნები ჯუთაში
ჯუთა საუკეთესო ადგილია იმისთვის, რომ დააგემოვნოთ ქართული მთის კერძები, როგორიცაა მოხეური ხინკალი, წერთხალა, მხლოვანი, მაჭკატები, ცორცშიბუიიანი და ცნობილი დეკას ჩაი, რომელიც ენდემური სახეობის დეკას ბუჩქისაგან მზადდება.
აქ რესტორნების მცირე არჩევანია, თუმცა თითოეული რესტორანი, ქართული კულტურისთვის დამახასიათებელი არქიტექტურით, მყუდრო გარემოთი და გასაოცარი ხედებით გამოირჩევა. რესტორანთა დიდი ნაწილი, სასტუმროებთანაა გაერთიანებული. ტურისტებისთვის ცნობილია ისეთი რესტორნები, როგორიცაა “Metitsa,” და“Juta House Outdoor Cafe.”
ხშირად დასმული კითხვები
როგორ მივიდეთ ყაზბეგიდან ჯუთამდე?
ჯუთა ყაზბეგიდან 20 კმ–ით არის დაშორებული. ჯუთაში მოსახვედრად, ყაზბეგიდან სამხრეთით მდებარე სოფელ აჩხოტს უნდა ეწვიოთ, საიდანაც ჯუთა 15 კმ–ითაა დაშორებული. საუკეთესო გზაა, ისარგებლოთ კერძო ავტომობილით, რადგან ამ მარშრუტზე არაა დანიშნული სპეციალური მიკროავტობუსები.
როგორ მივიდეთ თბილისიდან ჯუთამდე?
თბილისიდან ჯუთა 4 საათის სავალი გზითაა დაშორებული. პირდაპირი მარშრუტისთვის არაა დანიშნული მიკროავტობუსები. თუმცა თქვენ შეგიძლიათ ისარგებლოთ თბილისი–ყაზბეგის მიმართულებით მოძრავი მიკროავტობუსით და ყაზბეგიდან ტაქსით განაგრძოთ გზა ჯუთამდე.
თბილისიდან ყაზბეგის მიმართულებით, მიკროავტობუსები ყოველდღიურად, დიდუბის ავტოსადგურიდან გადის. ყაზბეგში მოსახვედრად, დაახლოებით 3 საათი დაგჭირდებათ, ყაზბეგიდან ჯუთამდე კი 1 საათი.
როდისაა საუკეთესო დრო ჯუთას მოსანახულებლად?
ჯუთას მონახულება, როგორც ზაფხულში ასევე ზამთარში შეგიძლიათ, თუმცა საჭირო ინფრასტრუქტურის არარსებობისა და ზვავსაშიში პერიოდის გამო, უმჯობესია ჯუთას ივნისი–ოქტომბრის პერიოდში ესტურმოთ.
ამ დროს მზიანი და მშრალი ამინდებია, წყალი კი თბილი. გადაადგილებაც ბევრად მარტივია ხოლო ჯუთასთვის დამახასიათებელი ფლორა ყვავილობის პერიოდშია და ამ დროს სოფელი განსაკუთრებულად ლამაზია. ივლისის ბოლოს, კი ასევე შეგიძლიათ ათენგენობის დღესასწაულს დაესწროთ, სადაც მოინახულებთ ხევსურულ სალოცავებს და დააგემოვნებთ უგემრიელეს მთის კერძებს.