სტეფანწმინდა (ყაზბეგი)
ყაზბეგი ის ადგილია, საიდანაც ყველაზე კარგად შეგიძლიათ შეიგრძნოთ კავკასიონის მთების სიდიადე და დიდებულება. სტეფანწმინდა იგივე ყაზბეგი, ისტორიული ხევის, ერთ–ერთი უძველესი დასახლებული ადგილია, რომელიც გამოირჩევა უნიკალური ბუნებითა და ისტორიული ძეგლებით. აქ ყველაზე კარგად გაიცნობთ მთის ჩვეულებებს და მთიული ტომების ისტორიას.
ყაზბეგის შესახებ
ყაზბეგის მუნიციპალიტეტის ადმინისტრაციულ ცენტრს ასევე სტეფანწიმინდასაც უწოდებენ. ყაზბეგი ისტორიულ მცხეთა–მთიანეთის მხარეში მდებარეობს და საქართველოს ერთ–ერთ უნიკალურ დასახლებულ ადგილს წარმოადგენს. ის არა მარტო გამორჩეული რელიეფის მქონეა, არამედ მნიშვენლოვან ისტორიულ ადგილსაც წარმოადგენს. კერძოდ, აქ აღმოაჩინეს ცნობილი ყაზბეგის განძი, რომელიც ძვ.წ მე–5 საუკუნით თარიღდება.
ყაზბეგის ღირსშესანიშნაობები
სტეფანწმინდა უნიკალური ადგილია, რომელიც ათეულობით ისტორიულ თუ ბუნების ძეგლს აერთიანებს. აქ შეხვდებით შუა საუკუნეებში აგებულ ციხე–სიმაგრეებს, სამონასტრო კომპლექსებს, ენდემური სახეობის მცენარეებსა და უნიკალურ მინერალურ წყაროებს. ამ ყოველივეზე დეტალური ინფორმაცია კი, იხილეთ ქვემოთ:
-
გერგეტის სამების ტაძარი
გერგეტის სამება ყაზბეგის მთავარი ღირსშესანიშნაობაა და მას ყოველწლიურად ათასობით ტურისტი სტუმრობს. ეს არის ერთ-ერთი უძველესი, XIV საუკუნის ხუროთმოძღვრული კომპლექსი, რომელიც ისტორიულად, ხევის მთავარ სამლოცველოს წარმოადგენდა. კომპლექსი ზღვის დონიდან 2200 მეტრზე მდებარეობს და მისი გალავნიდან იშლება გასაოცარი ხედი მყინვარწვერზე.
ნახვა -
ყაზბეგის მთა (მყინვარწვერი)
ხოხის ქედზე მდებარე მყინვარი საქართველოს ერთ–ერთი ყველაზე ცნობილი ბუნების ძეგლია. მყინვარწვერი მძინარე ვულკანია და მისის სიმაღლე 5054 მეტრია. მყინვარწვერი მუდმივად თოვლითაა დაფარული და მისგან მდინარე თერგი იღებს სათავეს. გერგეტის სამებიდან კი მნახველებს მყინვარწვერის საუკეთესო ხედით შეუძლიათ მიიღონ სიამოვნება.
-
სტეფანწმინდის ელია წინასწარმეტყველის სახ. მამათა მონასტერი
მამათა მონასტერი ერთ–ერთი უახლესი ძეგლია ყაზბეგში, რომელიც 2003 წელს აშენდა. სამონასტრო კომპლექსი მოიცავს ორ ეკლესიას, ელია წინასწარმეტყველის სახელობის ტაძარსა და ეგნარე ღმერთშემოსილის სახელობის ეკლესიას. სამონასტრო კომპლექსიდან შეგიძლიათ ისიამოვნოთ ულამაზესი პანორამული ხედებით, გერგეტის სამებასა და მყინვარწვერზე.
-
გველეთის დიდი ჩანჩქერი
სოფელ გველეთში მდებარე ჩანჩქერი ტურისტებს გასაოცარ შთაბეჭდილებებს უტოვებს. ეს არის ულამაზესი ჩანჩქერი კლდეებს შორის, რომელთან ახლოსაც შეგიძლიათ მოაწყოთ პიკნიკი ან დაბანაკდეთ. ჩანჩქერამდე 1 კმ–იანი საფეხმავლო ბილიკი უნდა გაიაროთ და ყაზბეგიდან ის 7 კმ–ში მდებარეობს.
-
დარიალის სამონასტრო კომპლექსი
დარიალის სამონასტრო კომპლექსი ერთ–ერთი უახლესი არქიტექტურული ძეგლია, რომელიც ზღვის დონიდან 1300 მეტრზე მდებარეობს. კომპლექსის მშენებლობა 2005 წელს დაიწყო და ის ჯამში 12 ტაძარს მოიცავს. ყაზბეგიდან კომპლექსი 10 კმ–ითაა დაშორებული და გამოირჩევა ქართული არქიტექტურული ელემენტებით და გასაოცარი ფრესკებით.
ნახვა -
ფანშეტის საცურაო აუზი და მინერალური წყარო
ფანშეტის საცურაო აუზი ყაზბეგთან მდებარე უნიკალური ადგილია, სადაც შეგიძლიათ გაიუმჯობესოთ იმუნიტეტი და ისიამოვნოთ ულამაზესი ხედებით კავკასიონზე. ეს არის უახლესი დასასვენებელი სივრცე, რომელიც მოიცავს აუზს და სხვა გამაჯანსაღებელ სპორტულ და მოსასვენებლ სივრცეებს.
-
თოთის ჩანჩქერი
თოთის, იგივე არშის ჩანჩქერი ყაზბეგთან ახლოს, სოფელ არშსა და თოთს შორის მდებარეობს. ჩანჩქერამდე მისასვლელი საფეხმავლო ბილიკის სიგრძე 1.5 კმ–ია. ულამაზესი ჩანჩქერი მწვანე მთებს შორის მოედინება და გასაოცარ სანახაობას ქმნის. ჩანჩქერთან მისვლა საკმაოდ მარტივია, თუმცა გაითვალისწინეთ, რომ ახლოს საპიკნიკე ადგილები არაა მოწყობილი. შესაბამისად, ჩანჩქერი იდეალურია ლაშქრობის მოყვარულთათვის.
-
მერაბ ფირანაშვილის სკულპტურები
მერაბ ფირანაშვილის სკულპტურები აღდგომის კუნძულის ცნობილ ქანდაკებებს მოგაგონებთ. ეს არის კვარცის გიგანტურ ქვებზე გაკეთებული სკულპტურები, რომლებზეც გამოსახულნი არიან ცნობილი ქართველი მოღვაწეები, შოთა რუსთაველი, თევდორე ბერი და ალექსანდრე ყაზბეგი. ასევე შეგიძლიათ მოინახულოთ ქრისტეს ქანდაკებაც.
-
სნოს ციხე
სნოს ციხეს ღუდუშაურის ციხესას უწოდებენ. ეს არის ერთ–ერთი უძველესი და ისტორიულად უმნიშვნელოვანესი ძეგლი, რომელიც XVI საუკუნეშია აგებული. ციხეს ადგილობრივები მტრისგან დასაცავად იყენებდნენ, რადგან ადგილმდებარეობა მოსახერხებელი იყო ხევზე გამავალი გზების საკონტროლებლად. კოშკის სიმაღლე 20 მეტრია. ის დღეს საკმაოდ დაზიანებულია, თუმცა მთავარი ნაგებობა და საბრძოლო ელემენტების ნაწილები, კვლავ შემორჩენილია.
-
თრუსოს ხეობა
თრუსოს ხეობა ერთ–ერთი ულამაზესი ბუნების ძეგლია, რომელიც სოფელ კობთან მდებარეობს. მას მდინარე თერგის ხეობასაც უწოდებენ და ის კავკასიონის მთავარ წყალგამყოფ ქედსა და უღელტეხილ თრუსოზე მდებარეობს. ხეობა მინერალებით და უნიკალური სტრუქტურით გამოირჩევა. აქ ერთდროულადაა გამოხატული მყივარებისაგან და ვულკანური ლავებისგან წარმოქმნილი რელიეფი.
ნახვა -
აბანოს მინერალური ტბა
აბანოს მინერალური ტბა უნიკალური ბუნების ძეგლია, რომელიც ყაზბეგში, ზღვის დონიდან 2300 მეტრზე მდებარეობს. თრუსოს ხეობაში მდებარე ტბა გამოირჩევა უნიკალური კარბონატული ქანებით, რომელიც შედგება ნახშირორჟანგა აირის ბუშტებისგან. როგორც ამბობენ, ტბა დუღს და წნევის ძალით, წყლის ბუშტები 10–15 სმ–ის მანძილზე აიტყორცნება. ტბას წყლის მინერალები და წყალცენარეები ლაჟვარდისფერ შეფერილობას აძლევს. აბანოს მინერალური ტბა წითელ წიგნშია შეტანილი.
-
ზაქაგორის ციხე–სიმაგრე
ზაქაგორის უძველესი ციხე თრუსოს ხეობაში მდებარეობს და ის XIII საუკუნით თარიღდება. ის დასახლებულ სოფელს წარმოადგენდა, თუმცა დიდი ხანია ნასოფლარად იქცა. ციხე–სიმაგრე ორი თავდაცვითი კოშკისაგან, საცხოვრებელი ნაგებობებისგან და გალავნისგან შედგება. კომპლექსის დიდი ნაწილი დანგრეულია, თუმცა კოშკის ნაწილები, ორსართულიანი სახლის ნანგრევები და მათ შორის მოქცეული მოედანი, ჯერ კიდევ შემორჩენილია.
-
ბიდარას ტრავერტინები
ბიდარის ხეობაში მდებარე ეს უნიკალური ბუნების ძეგლი კიროვანი ტუფების მინდორს წარმოადგენს, რომლებისგანაც წყაროები მოედინება. ბიდარას ტრავერტინები კობი–გუდაურის საავტომობილო გზაზე მდებარეობს და შემადგენელი მინერალების გამო, ის თეთრი და ნარინჯისფერი შეფერილობისაა. უნიკალური ფორმის მქონდე ტრავერტინები უიშვიათესი ბუნების ძეგლია და ძირითადად კარბონატული მინერალებისგან შედგება.
-
ყაზბეგის ეროვნული პარკი
ყაზბეგის ეროვნული პარკი საქართველოს ერთ–ერთი გამორჩეული ბუნების ძეგლია, სადაც იდეალურადაა წარმოჩენილი ქვეყნის ალპური ფლორა, მყინვარებთან ერთად. აქ შეხვდებით უამრავ ენდემური სახეობის მცენარეს, ცხოველსა და ფრინველს. ეროვნული პარკის შემადგენლობაში შედის ისტორიული ციხე–კოშკები და ნასოფლარები, თრუსოსა და ხდის ხეობები.
სასტუმროები ყაზბეგში
გამომდინარე იქიდან, რომ ყაზბეგი ტურისტებისთვის საინტერესო და მიმზიდველი ადგილია, სასტუმროების არჩევანი საკმაოდ მრავალფეროვანია. აქ შეგიძლიათ დაისვენოთ, როგორც საოჯახო, ასევე ცნობილ ბრენდულ სასტუმროებში, რომლებიც დამატებით გამაჯანსაღებელ სერვისებს გთავაზობენ. ქვემოთ შეგიძლიათ ტურისტებისთვის ყველაზე პოპულარული სასტუმროები იხილოთ:
Rooms Kazbegi
ეს არის ერთ–ერთი ყველაზე პოპულარული სასტუმრო ყაზბეგში, რომელიც დახვეწილი და მყუდრო გარემოთი გამოირჩევა. სასტუმრო ცნობილია გასაოცარი პანორამული ხედებით მყინვარწვერზე და უმაღლესი დონის მომსახურებით, მათ შორის დასასვენებელი სივრცეებითა და გამაჯანსაღებელი სერვის–ცენტრებით.
Hotel Porta Caucasia Kazbegi
ეს არის თანამედროვე ტიპის სასტუმრო ყაზბეგში, დახვეწილი ინტერიერითა და უმაღლესი დონის მომსახურებით. სასტუმროში შეგიძლიათ ისიამოვნოთ დამატებითი გასართობი სივრცეებით და დააგემოვნოთ ქართული, თუ ევროპული სამზარეულო ულამაზეს ვერანდაზე, საიდანაც გასაოცარი ხედი იშლება კავკასიონის ქედზე.
ინტურსიტი ყაზბეგი
მინიმალისტური დიზაინი, უნიკალური ადგილმდებარეობა, უმაღლესი დონის მომსახურება და მეგობრული პერსონალი, თქვენს დასვენებას ინტურისტ ყაზბეგში კიდევ უფრო სასიამოვნოს გახდის. მყუდრო და კეთილმოწყობილ გარემოსთან ერთად, თითოეული ნომრიდან, კავკასიონის ქედზე ულამაზესი ხედებით სიამოვნების შესაძლებლობაც გაქვთ.
Kazbegi Targmani Cottages
თუ უფრო მყუდრო გარემო გიზიდავთ, მაშინ Kazbegi Targmani Cottages ერთ–ერთი საუკეთესო ადგილია. ეს არის ინდივიდუალური კოტეჯების კომპლექსი, სადაც დაგხვდებათ ყველა საჭირო პირობა კომფორტული დასვენებისთვის. თითოეული კოტეჯიდან გასაოცარი ხედი იშლება კავკასიონის ქედზე.
Chemodann Kazbegi
Chemodann Kazbegi სტეფანწმინდის ცენტრთან ახლოს მდებარე სასტუმროა, რომელიც უნიკალური ხედებითა და გასაოცარი ინტერიერით გამოირჩევა. სასტუმროს დიზაინი ქართული ელემენტებითაა შთაგონებული, რაც თქვენს დასვენებას კიდევ უფრო სიანტერესოს და სასიამოვნოს გახდის. ამასთან, სასტუმროდან შეგიძლიათ ულამაზესი პანორამული ხედებით ისიამოვნოთ.
Hotel Stancia Kazbegi
ეს არის ულამაზესი და მყუდრო სასტუმრო ყაზბეგში, რომელიც გამოირჩევა უნიკალური დიზაინით და მშვიდი გარემოთი. კლასიკური მუსიკის საღამოები, უალამაზესი ხის ვერანდა, პანორამული ხედებით და უმაღლესი ხარისხის მომსახურება თქვენს ვიზიტს ყაზბეგში კიდევ უფრო სასიამოვნოს გახდის.
რესტორნები ყაზბეგში
სად უნდა დააგემოვნოთ ქართული ხინკალი თუ არა ყაზბეგში? აქ არის უამრავი რესტორანი, სადაც შეგიძლიათ უგემრიელეს ქართულ სამზარეულოსთან ერთად, მთის კულტურისთვის დამახასიათებელი ტრადიციული კერძებთაც ისიამოვნოთ. ყაზბეგის რესტორნების დიდ ნაწილში ქართული ინტერიერი, ხის ულამაზესი დეკორი და ქართული ტრადიციული მუსიკა დაგხვდებათ. ტურისტებისთვის გამორჩეული რესტორნებია “ხევი,” “ხარება” და “Panorama Kazbegi.”
ხშირად დასმული კითხვები
სად მდებარეობს ყაზბეგი?
ყაზბეგი, იგივე სტეფანწმინდა მცხეთა–მთიანეთის ისტორიულ მხარეში, თბილისიდან 157 კმ–ში მდებარეობს. გეოგრაფიულად, ის მდინარე თერგის ხეობასა და მყინვარწვერის ძირში არსებული დაბააა და ამასთან საქართველოს ჩრდილოეთ საზღვარსაც წარმოადგენს.
თბილისიდან ყაზბეგის მიმართულებით, აქტიურად ინიშნება მიკროავტობუსები. მგზავრობის სხვა ალტერნატივა, კი კერძო მანქანით გადაადგილებაა. თბილისიდან ყაზბეგში ჩასასვლელად დაახლოებით 2 საათი დაგჭირდებათ.
როდის არის საუკეთესო დრო ყაზბეგის მოსანახულებლად?
გამომდინარე იქიდან, რომ ყაზბეგი ალპურ ზონასა და კავკასიონის ქედზე მდებარეობს, წლიური საშუალო ტემპერატურია საკმაოდ დაბალია. სტეფანწმინდა ტურისტულად აქტიური ადგილია, როგორც ზაფხულში ასევე ზამთარში. შესაბამისად, ეს თქვენზეა დამოკიდებული, გსურთ მწვანე მდელოებისა და მთების ნახვა თუ თოვლით დაფარული კავკასიონის ხედით სიამოვნება.
გაითვალისწინეთ, რომ ზაფხულში ყაზბეგში ტემპერატურა დაახლოებით 15 C–ს აღწევს, ხოლო ზამთარში –15 C-ს. გადაადგილებისთვის მეტად კომფორტულია ყაზბეგს ზაფხულის პერიოდში ეწვიოთ, მაგრამ თუ თოვლი გიყვართ, მაშინ საუკეთესო დრო ყაზბეგის მოსანახულებლად, დეკემბერი–თებერვლის პერიოდია.